Que hai que facer para ser socio?
Para participar nas actividades culturais e de voluntariado é suficiente con solicitalo na sede máis próxima, ou ben indicando o enderezo de correo electrónico na páxina web do país de residencia.
Os que se sintan interesados en formar parte da organización e compartir os valores que promove, poden inscribirse no Curso de Introdución á Filosofía comparada de Oriente e Occidente que convoca periodicamente a Escola de Filosofía ao xeito Clásico da O.I.N.A. en cada sede. Con este Curso proporcionase o coñecemento necesario sobre os principios e modos de acción da O.I.N.A. nas súas diferentes facetas e a súa base filosófica. A condición de socio implica o dereito a recibir unha formación constante, segundo un programa de estudos que se adapta a todo tipo de persoas e non precisa unha titulación previa. Non buscamos un nivel soamente teórico ou erudito para os nosos cursos, senón que proporcionen explicacións útiles para a vida cotiá. Os socios da O.I.N.A. están perfectamente integrados nos seus ámbitos sociais e familiares, pois a súa actividade como tales non os illa nin afasta.
Canto se paga?
Cada sede de Nova Acrópole establece a contía das cotas, dependendo da situación da sede e das posibilidades dos seus participantes.
Como se financian as actividades da O.I.N.A?
Nova Acrópole desenvolve unha economía descentralizada, con periódicas auditorías externas e basea os seus ingresos económicos e sustentabilidade financeira en catro piares:
Cursos de formación e venta de produtos culturais, elaborados nas nosas sedes;
Todos os socios aportan unha cota mensual, que lles da dereito a participar de tódalas súas actividade e teren acceso á rede internacional de centros culturais da O.I.N.A.
O apoio do servizo voluntario, combinado con pouco e eficiente persoal administrativo;
O apoio e patrocinio de empresas privadas e outras institucións.
A O.I.N.A. está vinculada con algunha organización relixiosa ou mística?
Non. Os principios fundacionais establecen o respecto polas diferentes formas institucionalizadas de relixión.
Estamos convencidos de que a ignorancia e o fanatismo soamente xeran violencia e odios “no nome de Deus” e por iso invitamos a un coidadoso estudo comparado que permita xerar lazos de entendemento no lugar de paredes de afastamento. Cremos en Deus e respectamos as distintas formas relixiosas dos nosos socios, por iso Nova Acrópole existe e mantense en países cristiáns, budistas, musulmáns, etc.
É Nova Acrópole de dereitas ou de esquerdas?
O estudo dos ciclos históricos e dos principios filosóficos da procura dunha sociedade xusta forman parte do noso programa de formación. Do mesmo xeito que coa relixión, cremos que as posicións fanáticas e pechadas so xeran violencia e afastamento e que o estudo e reflexión profunda da historia dálle ao individuo ferramentas de tolerancia e entendemento para cos seus concidadáns. Nas nosas sociedades fan falla cidadáns, dispostos a traballar xuntos polo ben común, máis aló de calquera preferencia política.
Está legalmente constituída a O.I.N.A.?
Si. En tódolos países nos que traballamos. Cada unha das nosas sedes atópase rexistrada polas autoridades gobernamentais e cumprimos escrupulosamente coa normativa legal de cada país. Igualmente, promovemos nos nosos socios e amigos o respecto ás mesmas. Ademais, a O.I.N.A., como asociación internacional sen fin de lucro, está inscrita no Rexistro Internacional de Asociacións, recoñecida polo Real Decreto do 12 de febreiro de 1990 nº3/12-941/s do Reino de Bélxica.
Pódese colaborar sen seren socio? Como?
Pódese participar libremente nos diversos programas de voluntariado e de actividades culturais e sociais, que desenvolven as sedes da O.I.N.A. en todo o mundo, o cal permitirá coñecer de preto as nosas actividades e principios en acción.
Soen circular comentarios críticos que pretenden desprestixiar a Nova Acrópole. Cal é a postura da Organización diante estas críticas?
Entendemos que aqueles que se senten ameazados por este franco respecto á diversidade non estean de acordo e en certos momentos nos teñan atacado, e aínda que respectamos e aprendemos da crítica, pois non somos perfectos, rexeitamos e denunciamos a difamación de que ás veces fan uso persoas pouco escrupulosas na Internet e algúns medios de comunicación. A nosa resposta non pode ser máis que o exemplo do noso traballo a prol da educación e a liberdade de pensamento en máis de cincuenta países e as nosas portas abertas a todos os que desexen coñecernos.